దేవుడికైతే మనం నిలువు దోపిడీ ఆలోచించకుండా ఇస్తాం
అదే సాటి మనిషిని ఐతే ఆలోచించి మరీ ముంచుతాం
దేవుడికైతే కోట్లు ఐనా హుండీలో త్రుణపాయంగా వేసేస్తాం
అనాధ రోడ్దు మీద అడుక్కుంటుంటే ఒక్క రూపాయి దానం ఇవ్వటానికి సంకోచిస్తాం
దేవుడికైతే ధూప దీప నైవేద్యాలతో విందు భోజనం పెడతాం
ఆకలితో అలమటించే సాటి మనిషికి గుప్పెడు అన్నం పెట్టం
దేవుడికైతే ఎక్కడో ఉన్నా కొండ నడిచెల్లి మరీ మొక్కి వస్తాం
సాటి మనిషి రోడ్డు మీద అపస్మారక స్థితిలో దిక్కు లేక పడి ఉన్నా ఓరగా చూస్తూ వెళ్ళుతాం
దేవుడికైతే భజనలు చేయతానికి గుంపు కట్టి మరీ గంటలు గంటలు తగలేస్తాం
కాని సాటి మనిషి కష్టాల్లో ఉంటే స్వాంత వచనాలు మాట్లాడానికి ఒక్క నిముషం కూడా టైమివ్వం
మానవ సేవే మాధవ సేవా? తప్పు.. తప్పు... మాధవే సేవే మానవ సేవ.
Monday, January 15, 2007
మాధవ సేవే మానవ సేవ
Posted by
Satish
at
5:47 AM
5
comments
Sunday, January 7, 2007
చెక్కు చెదరని రాత
పెద్ద పండగ పెద్ద పండగ
పెద్ద పండగ పేరు దండగ
పండుగెవరికి? పండుగెవరికి?
పండుగెవరికి? పబ్బమెవరికి?
తిండిలేకా , దిక్కులేక
దేవులాడే దీనజనులకు
పండుగెక్కడ? పబ్బమెక్కడ?
ఎండుడెక్కల పుండురెక్కల
బండబ్రతుకుల బానిసేండ్రకు
పండుగేమిటి ? పబ్బమేమిటి?
ఉండడానికి గూడులేకా
పండడానికి నీడలేకా
ఎండవానలో దేబిరించే
హీనజనులుకు,పేదనరులుకు
పండుగొకటా? పబ్బమొకటా?
పెద్ద పండగ పెద్ద పండగ
పెద్ద పండగ, శుద్ధదండగ
.....రచన .. శ్రీ శ్రీ
ఎప్పటి శ్రీ శ్రీ కవిత్వం...ఇప్పటికీ.. పేద బ్రతుకుల రాత చెక్కు చెదరలేదు.
మూలం: ' ఈనాడు ' దినపత్రిక, తేది - 07-జనవరి-2007
Posted by
Satish
at
9:38 AM
1 comments
Subscribe to:
Posts (Atom)